ශ්‍රී ලංකා

මෙරට බොහෝ දෙනෙකුගේ අවධානය දිනාගත් ඇතෙකු වූ කාවන්තිස්ස ඇතාට වෙඩි තැබූ බවට සැකකරන සැකකරු අත්අඩංගුවට ගෙන තිබේ. පොලීසිය හා වනජීවීය ඒකාබද්ධව කළ මෙහෙයුමකින් මෙම අත්අඩංගුවට ගැනිම සිදුකර තිබේ. සැකකරු ගල්ගමුව, හුණුලෑල්ල ප්‍ර දේශයේදි ගිනි අවි දෙකක් සමග අත්අඩංගුවට ගෙන තිබේ. මෙම මෙහෙයුම සඳහා වලාන දූෂණ මර්දන ඒකකයද සම්බන්ධ වී තිබේ.

ඒ අනුව, අනුරාධපුර දිස්ත්‍රික්කයේ තිරප්පනේ ප්‍රදේශයේ වනගත භූමිය තුළ අග්බෝ වන අලියා සොයා වනජීවී නිලධාරීන් සමඟ එක්ව ශ්‍රී ලංකා යුද්ධ හමුදා සාමාජිකයන් 30 දෙනෙකුගෙන් සමන්විත බලඇණියක් මෙහෙයුම්වල නිරතව සිටියි.

අපි විශ්වාස කරන්නේ අධිකරණය පද්ධතිය විසින් ලබාදෙන තීරණ තමයි මේ රටේ නීතිය පිළිබඳ නිවැරදි තිරණය කියා අපි සළකන්නේ.සලකන්නේ නැති අයට කෑ ගහන්න පුළුවන්. ශ්‍රේෂ්ඨාධිකරණය විසින් ලබාදුන් නිගමනයන්වලට අපි යටත් වෙනවා. අධිකරණ ලබාදුන්තීරණවලට අපි යටත් වෙනවා. එතනින් එහාට කවුරුවත් අපෙන් තීරණ බලාපොරොත්තු වෙන්න එපා.

ශ්‍රී ලංකා පොදු ජන පෙරමුණේ නුවරඑළිය දිස්ත්‍රික් සංවිධායක නිමල් පියතිස්ස මහතා සහ කොත්මලේ ආසනයේ සංවිධායක පරාක්‍රම දසනායක මහතා අතර (18) දින පස්වරුවේ තිස්පනේ ප්‍රදේශයේ උත්සව ශාලාවකදී ඇති වූ වචන හුවමාරුවක් ගඅටිබැට හුවමාරුවක් දක්වා වර්ධනය වූ බව පරාක්‍රම දසනායක මහතා පැවසීය.

හිටපු ජනාධිපති මහින්ද රාජපක්ෂ මහතාගේ බිරිය වන ශිරන්ති රාජපක්ෂ මහත්මිය කොළඹ ජාතික රෝහලෙන් පෞද්ගලික රෝහලක් වෙත මාරුකර යවා ඇති බව ශ්‍රී ලංකා පොදුජන පෙරමුණ (පොහොට්ටුව) මාධ්‍ය ප්‍රකාශක නීතීඥ මනෝජ් ගමගේ මහතා පැවැසීය.

නැගිටින්න වෙර දරන පැරණි ජාතිවාදී- ආගම්වාදී පිල්ලි වලට අඟලකින් වත් ඉදිරියට එන්න රටේ ජනතාව ඉඩ දෙන්නේ නැතැයි ජනාධිපති අනුර කුමාර දිසානායක මහතා බදුල්ලේ දී අද (18)පැවසීය.

හොර රහසේ ශ්‍රී ලංකාවට රැගෙන ඒමට සූදානම් කර තිබූ බව කියන අයිස් හෙවත් මෙතැම්ෆෙටමින් මත්ද්‍රව්‍ය කිලෝග්‍රෑම් 100ක් ඉන්දියාවේ තමිල්නාඩු ප්‍රාන්තයේ නාගපට්ටිනම් ප්‍රදේශයේදී අත්අඩංගුවට ගත් බව එරට ආරක්ෂක අංශ පවසයි.

සීමාසහිත මාතර විවිධ සේවා සමුපකාර සමිතියේ හීටපු සභාපතිවරයාගේ රුපියල් කෝටි 500 කට අධික මූල්‍ය වංචාව සම්බන්ධයෙන් විමර්ශනයට අදාලව කොටවිල පොලීසියේ පාලන අංශයේ ස්ථානාධිපතිනී ප්‍රධාන පොලිස් පරික්ෂිකා වරුනී බෝගහවත්ත මහත්මියගේ විසෙල් වර්ගයේ මෝටර් රථය ඇතුළු වාහන 11 ක් පරික්ෂණ දෙපාර්තමේන්තුවේ නිලධාරීන් භාරයට ගෙන තිබේ.

පාකිස්තාන කණ්ඩායම හා ශ්‍රී ලංකා කණ්ඩායම අතර පාකිස්තානයේ රාවල්පිණ්ඩි නුවර පැවැත්වෙන තුන්කොන් එක්දින තරගාවලියේ පළමු එක්දින තරගයේ මුලින්ම පන්දුවට පහුරදුන් පාකිස්තාන කණ්ඩායම පන්දුවාර 49.5කදි සියලු දෙනා දැවි ලකුණු 305ක් රැස් කිරීමට සමත්විය.

සාමාන්‍ය විදුලි සංදේශ ජාල මගින් අන්තර්ජාල සබඳතා ගැනීමට අපහසු පාසල් 334ක් හඳුනාගෙන ඇති හෙයින් එම පාසල් සඳහා වයිෆයි (Wi-Fi) පහසුකම් ලබා දීම සඳහා පෞද්ගලික ආයතනයකට පවරා ඇති බව අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයීය උපදේශක කාරක සභාවේදී තොරතුරැ හෙළිවිය.

ජපානයේ සිටින ප්‍රබල මත්ද්‍රව්‍ය හා සංවිධානාත්මක අපරාධකරුවකු වන ශම්මි නැමැත්තාට අයත් රුපියල් ලක්ෂ 6 කට ආසන්න කොකේන් තොගයක් සමග සංගීත ශිල්පියකු අත්අඩංගුවට ගත් බව කැලණිය කොට්ඨාස අපරාධ විමර්ශන කාර්යාංශය පවසයි.

අග්බෝ ඇතා සෙවීම සඳහා විශේෂ හමුදා කණ්ඩායමක් පිටත් කර ඇති බව පරිසර අමාත්‍යාංශය පවසයි. අග්බෝ ඇතු සොයා ගැනීමේ කටයුතු කඩිනම් කිරීමේ අරමුණින් පරිසර අමාත්‍යවරයා සහ ආරක්ෂක අමාත්‍යාංශයේ ලේකම්වරයා අතර පැවැති විශේෂ සාකච්ඡාවකින් අනතුරුව ආරක්ෂක අමාත්‍යාංශ‌ ලේකම්වරයාගේ නියෝග මත මෙම හමුදා කණ්ඩායම පිටත්කර තිබේ.

අග්බෝ ඇතා සිටින ස්ථානය හඳුනාගෙන ආරක්ෂාව තහවුරු කිරීම සඳහා මෙහෙයුමක් අරඹා ඇතැයි පරිසර අමාත්‍යාංශය කියයි.

ගැටඹේ ශ්‍රී රාජෝපවනාරාමාධිපති සහ ශ්‍රී ලංකා රාමඤ්ඤ මහානිකායේ අනූනායක කැප්පිටියාගොඩ සිරිවිමල හිමියන් අපවත් වූහ. අපවත් වන විට උන්වහන්සේ 96 වැනි වියේ පසුවිය.

ශ්‍රී ලංකා රාමඤ්ඤ මහානිකායේ අනූනායක, ගැටඹේ ශ්‍රී රාජෝපවනාරාමාධිපති කැප්පිටියාගොඩ සිරිවිමල හිමියන් අපවත් වූහ.අපවත් වන විට උන්වහන්සේ 96 වැනි වියේ පසුවිය.